Tuesday 21, October, 2014
Headlines: અક્કળ આસારામની ભેગી કરેલી બેનંબરી આવકનાં આંકડાને લીધે આવકવેરા ખાતુ ગેલમાં આવી ગયું છે.દુષ્‍કર્મ કેસમાં સળિયા પાછળ ધકેલાયેલા અક્કડ આસારામ અને તેમના પુત્ર નારાયણ સાંઇના કરોડો-અબજોના વ્‍યવહારની તપાસ અર્થે સુરત પોલીસે દિવસ-રાત એક ર્ક્‍યા હતા. જો કે પોલીસની જહેમતથી આવકવેરા વિભાગને બગાસું ખાતાં પતાસું મળ્યા જેવી પરિસ્‍થિતિ સર્જાઇ છે. આઇટી વિભાગે પોલીસે જપ્ત કરેલા ૪૨ પોટલામાંથી અંદાજે ૧૦,૦૦૦ કરોડના દસ્‍તાવેજોની તપાસ હાથ ધરી છે. તપાસ દરમિયાન જ મળેલી માહિતીને પગલે આવકવેરા વિભાગે આસારામ-સાંઇની બેસૂમાર સંપત્તિમાંથી કરપેટે ૩૦૦૦ કરોડ રૂપિયા વસૂલવાની તજવીજ હાથ ધરી હોવાનો વાતો વહેતી થતા આ મુદ્દે ચકચાર મચવા સાથે નારાયણ સાંઇનાં સમર્થકોમાં નારાજગી પ્રસરી હોવાનું સૂત્રો દ્વારા જાણવા મળ્‍યું હતું. ઉલ્લેખનીય છે કે માત્ર આસારામ અને નારાયણ સાંઇની સંપત્તિને લગતા જે દસ્‍તાવેજો હાથ લાગ્‍યા છે તેની તપાસમાં પિતા-પુત્રની બેલડી ૧૦,૦૦૦ કરોડના આસામી હોવાનું બહાર આવ્‍યું હતું. આ રકમ પર નિયમાનુસાર આઇટી વિભાગ ૩૦ ટકાના લેખે કર વસૂલી કરે તો આઇટીને ૩૦૦૦ કરોડ રૂપિયાની બેઠ્ઠી આવક થઇ જાય તેવા સ્પષ્ટ સંકેત જણાઇ રહ્યાં છે. આ ઉપરાંત પેન્‍ટી અને ક્રોસ વેરીફીકેશનમાં આસારામ અને સાંઇના અન્‍ય સમર્થક એવા માલેતૂજારો ઝપટમાં સપડાય તો તે વધારાની આવક પકડાવાની પણ સંભાવના છે.પોલીસે જપ્ત કરેલા ૪૨ પોટલાના બધા દસ્‍તાવેજોની ઊંડાણપૂર્વક તપાસ થશે તો આ આંકડો હજી વધવાની શક્‍યતા હોવાનું સૂત્રોએ જણાવ્‍યું હતું. છેલ્લાં કેટલાક દિવસથી આઇટીના અધિકારીઓ સુરત પોલીસ કમિશનર કચેરી ખાતે પહોંચી દસ્‍તાવેજોની ચકાસણી કરી રહ્યા છે. વધુમાં આઇટી વિભાગ જે દસ્‍તાવેજોની તપાસ કરી રહ્યું છે, તેમાં ગુજરાત ઉપરાંત મધ્‍યપ્રદેશ, બિહાર સહિતના દેશભરમાં ફેલાયેલા નેટવર્ક થકી આસારામ-સાંઇએ અનેક જગ્‍યાએ જમીનોમાં રોકાણ કર્યું હોવાનું નોંધાયું છે. એ તમામ જમીનોના આર્થિક વ્‍યવહારોની તપાસ અર્થે આઇટી વિભાગે પોતાના આખા દેશમાં પથરાયેલા નેટવર્કનો ઉપયોગ કરવો પડે નોબત સર્જાઇ હોવાનું પણ જાણવા મળ્‍યું હતું.
 

Contact Person : KETAN PATEL (98242 28882)
MAHESH PATEL (97149 73377)

Patan Reporter : ZAKIR SIDDI (Radhanpur - 97145 01856)
CHETAN RAMI (Patan - 97145 01862)
MAULIK DAVE (Patan - 97145 01862)

Office : Phone (02766 2238222)
FAX (02766 227322)
Mobile (97145 01860)

Sky News Address : SKY TELE FILM
4Th floor round wing,
Tirupati market B/H.S.T.stand
Patan 384 265
Email : skynewspatan@gmail.com

Sky Net Address : 17/A,PALIKA BAZAR, RAJ MAHEL ROAD, PATAN 384 265

 


  • 1/23
  • 2/23
  • 3/23
  • 4/23
  • 5/23
  • 6/23
  • 7/23
  • 8/23
  • 9/23
  • 10/23
  • 11/23
  • 12/23
  • 13/23
  • 14/23
  • 15/23
  • 16/23
  • 17/23
  • 18/23
  • 19/23
  • 20/23
  • 21/23
  • 22/23
  • 23/23